首頁 » 作者存檔: 孤蘭朵

Author Archives: 孤蘭朵

[警世] 嚟緊半年打好黃色經濟圈呢一手牌

 

難得區選大勝,好好把握社區資源,蛇齋餅糭當然唔少得,但係一定要打正黃色旗號,唔跟就唔好肯食,另外每區一定要做好民生物資供應經濟鏈,餐飲、糧油、服飾、娛樂、交通、育幼,通通要做,每一環都環環相扣,要每個社區都浸淫係黃水之中。 餐飲:必定要令非黃冇啖好食,由於過去 … 閱讀全文

世上本來係冇路 行嘅人多咗 路就自然出現

 
誰無父母?

曾經有人同我講過,人最初就好似草,由一棵幼苗慢慢成長。一個草原,每棵草都一樣,得到陽光、雨水、泥土嘅養份,平等咁生長。但係有一棵幼苗,响未係生得好穩健嘅時候,俾人踩過,生長得唔係咁好,日復日咁踩,久而久之,佢比附近其他嘅草都生得差,比較矮。因為咁,其他人見呢度比較易行,捨難取易,都係會選擇喺呢棵草上面行。所以當其他草都可以茁壯成長,變得茂盛,呢棵草都仲係响度苦苦掙扎求存。物競天擇,適者生存。大自然本來就係弱肉強食嘅世界。草都係一樣...... 閱讀全文

A.I.鐵達尼

 

人類使用A.I.必須經過一個鐵達尼級災難先可能發生革新,但要睇人類過唔過到呢關。

眾所周知,人類嘅無知同狂妄自大嘅程度,連人類自己都驚。人類過往响航海同航空分別都遭遇過毀滅性嘅災難,例如鐵達尼號郵輪同興登堡號飛船,都係車毀人亡嘅悲劇。人類往往要有過慘痛嘅經驗先知謙卑,相信响A.I.嘅發展路上都唔會有例外。鐵達尼級災難响發生之前係冇預期過嘅,正所謂零缺點,無敵嘅嘢又點會係有缺陷嘅呢?未出事咪無敵囉,要出咗事之後先知原來會出事架嘛。 閱讀全文

?網上熱傳? 分享是美德? ?認同請按讚?

 

?網上熱傳? 分享是美德? 認同請按讚 ???
打水印要噉樣樣
*聚文成塔貼圖出文︰https://goo.gl/FjtbXu ?
*擇言表揚聚文成塔︰https://goo.gl/ZSYsQj
*塔巴鬧仆澤︰https://goo.gl/bb4ef4
*Quidev內容分享網站分享內容:https://goo.gl/S33F9Q
*雲呢嗱聖舵冚水印:https://goo.gl/Urs5HV
*本圖︰https://goo.gl/JYoVoo 閱讀全文

【傑出衝出嚟柒系列】未起機就射

 

話說從前有窮撚同女朋友坐經濟艙,仲要係夜機,坐窗邊嗰排,咁三個位一排啦,見都就起機喇,隔離最出個位都仲未有人,以為個位吉啦,班機唔full,其實都好多吉位,點知最後有個阿太姍姍來遲,放完手提行李,又要搵機艙服務員雪佢揸住嗰盒cake,空姐服務好好,幫佢搵咗啲冰 … 閱讀全文

點解咩嘢嚟到香港都會變晒質?

 

點解咩嘢嚟到香港都會變晒質?話說有一日喺吉野家食「洋食朝食」早餐,吉列魚柳係凍嘅,唔止面頭,凍到個心中間都係凍嘅,應該都擺咗好耐吓。但係買飛嗰陣呀姐話要等四分鐘喎,因為係即炸。出嚟個結果咁大對比,呢個衝擊都唔係話細嘅。

吉野家來自日本,我哋好多時都會好傾慕日本人現代嘅文化、文明特質,鍾意佢哋啲產品、食品嘅品質,因為有保證。呢種保證唔需要講出嚟或寫出嚟,你去到日本是但入一間鋪頭食,食拉麪好、食西餐又好,都唔會難食,質素只有好食、好好食、同「嘩~好美味呀」嘅分別。雖然近年開始受到外來文化衝擊而有變質嘅危機,唔難發現喺鋪頭當眼處出現「國產米」保證嘅字眼,但係呢啲行為都係佢哋堅守原有文化、本身品格嘅行動,因為佢哋都珍惜久經歲月沉澱落嚟嘅文化精髓,而效果都可以見到係唔錯嘅。 閱讀全文

霸王面書

 

有一個關於 100毛 嘅笑話,話說黎明又賣咖啡,但如果唔係有人喺 廣告狂人 Madman Monologue 嘅吹水 Group Share,我係完全唔知道有件噉嘅事,因為响我個 News Feed 上係 完!全!見!唔!到!有朋友 Share 呢條咖啡片。今日試吓喺 Facebook Search 一下,的確係有一啲朋友有 Share 過,而呢啲朋友又係我平時有 Interact 開嘅,而呢啲朋友又各來自唔同圈子,佢地冇 Mutual Friends 嘅,但最終 Facebook 都係冇派呢條片畀我睇喎。你有冇遇過類似情況呢?不過有都好難發現,因為多咗嘢就易發現啫,少咗就唔多覺。 閱讀全文

污染物真係主要來自本地咩?

 

5 月 6 日同 10 日的情況是非常特殊,該兩日的早上和下午,香港的 PM2.5 濃度比深圳廣州高,這是不爭的事實。據綠色力量鄭博士所稱,當時主力吹南風、塔門東涌同時臭氧過 200 微克/立方米、二氧化氮 PM2.5 都一樣咁高,並不是典型珠三角污染物主導的空氣污染物分佈。

但係污染物源頭係點定義?睇釋放定睇監測站檢測?其實大陸係咁多排放就係咁多,又唔停咁放。污染物同其他野都一樣,係由高濃度地方擴散去低濃度地方,只係氣流會令佢更複雜。 閱讀全文

不拘小節

 

以前啲人不拘小節,著眼於大原則。而家啲人做嘢唔講原則,只著眼於細節。白紙黑字寫到明就做,唔理原意,即使只跟細節去做係唔可以達到原意目的,都唔會就住原旨去執行,而只會得過且過,列咗有幾多點要執行,就只係做咁多。 閱讀全文