首頁 » 心情與故事 » 世上本來係冇路 行嘅人多咗 路就自然出現

世上本來係冇路 行嘅人多咗 路就自然出現

 
誰無父母?

source: YouTube

曾經有人同我講過,人最初就好似草,由一棵幼苗慢慢成長。一個草原,每棵草都一樣,得到陽光、雨水、泥土嘅養份,平等咁生長。但係有一棵幼苗,响未係生得好穩健嘅時候,俾人踩過,生長得唔係咁好,日復日咁踩,久而久之,佢比附近其他嘅草都生得差,比較矮。因為咁,其他人見呢度比較易行,捨難取易,都係會選擇喺呢棵草上面行。所以當其他草都可以茁壯成長,變得茂盛,呢棵草都仲係响度苦苦掙扎求存。

人如寶!我如草!

物競天擇,適者生存。大自然本來就係弱肉強食嘅世界。草都係一樣,難免要受盡風吹雨打、日曬雨淋嘅打擊。草本來就係好粗生,有好強嘅生命力,只要生好啲根,穩穩陣陣,就可以有好多發展機會。正所謂野草燒不盡,春風吹又生。呀!唔係!應該係斬草要除根,唔係就有手尾跟。所以生好啲根真係好重要架。

本來呢棵草都可以好似其他草一樣咁茂盛。就係因為當初未生得好啲根,就早早俾人踩得多。而當初踩呢棵草嘅唔係其他人,正正就係生佢出嚟嘅人。

被人踐踏到黃土

世上本來係冇路,行嘅人多咗,路就自然出現。

願天下嘅父母親,父母親節快樂。

 

孤蘭朵 Facebook

原文鏈接:世上本來係冇路 行嘅人多咗 路就自然出現,轉載請註明來源!