首頁 » 體育 » 香港足球
標籤:

香港足球

 

政府自2011年起3年每年透過「鳳凰計劃」投放2,000萬元支持港足發展,緊接有「力爭上游」五年計劃,但成效未彰,土砲球員未能成為球隊骨幹成員,教練金判坤面臨抉擇,是球隊成績優先,還是港生球員的上陣機會重要?        

 

踢而優則教,在球員生涯贏盡榮耀的東方足球隊教練李健和,說起華人球員在港隊一直缺乏機會,指教練金判坤為足球理念爭取佳績,非為香港足球發展。他又歸咎職業足球發展不理想,青訓球員「培訓到16、17歲就嗌停,咪去考大學囉」,並指香港隊不應介意成績,「戥香港球員出場機會少唔抵,係咪有啲位置可出多兩三個?」

香港足球輝煌不再,政府加大投入資源做好青訓,發展足運,換來卻是入籍兵當道,本土青訓難立足的局面。李健和坦言「基本上場場都係一樣(入籍兵佔據大部分正選位置),唔係近期,係不嬲都係咁,而家又多咗幾個球員入籍,佢(港隊主教練金判坤)梗係希望壯大自己實力」。

這是足球管理哲學的思辨,李健和表示理解,作為外籍教練,金判坤以成績先行是必然的,「好難評論佢嘅排陣」,但反問足總請金教練的目的是甚麼,為香港成績,還是香港足球發展?「佢有冇為年輕球員陳俊樂、黃威或其他華人球員?佢哋出場機會多唔多呢?初選可能有30人,最後得3至4個華人,佢哋係唔係喺某些位置上可用華人?現在係唔係對本地年青球員有好大幫助?」

入籍兵也是真香港人,為港披甲無可厚非,但政府多年來投放資源,本土年輕球員卻無出路。李健和不禁問,「鳳凰計劃,培訓青訓來做乜嘢先?」慨嘆只為青訓而青訓,「有幾多家長願意畀小朋友參與足球職業?可能玩嘅就好多,其實係正常,但最後會留喺球圈,我睇唔到有,(球員)去到中四、中五,家長就嗌Stop,小朋友要考試上大學,我哋將來係要做律師,做醫生,唔係做足球員」。

政府投資再多,年輕球員也沒有留在球圈的打算。李健和說,政府給了錢,足總有甚麼政策,球圈人都不知道,「資源分配去了邊?感覺唔到資源會落到球會,球會唔會有得益」,又批評每年青年聯賽賽制朝令夕改,負責的外籍球員又不了解香港年青球員的生活環境、參與程度,難編制合適香港青年發展的賽制。

言歸正傳,李健和說,「唔mind(介意)成績係點,只係戥香港球員出場機會少,係咪有啲位置可出多兩三個?」他說,不會對香港隊有好成績,亦不會預測足運有很好結果,但求本土球員有發揮空間。被問到是不是悲觀派,「唔會嘅,一路都係咁樣,有咩悲唔悲觀,你當而家情況係正常,你咪唔會有悲觀。」

回覆 引用 TOP

原文鏈接:香港足球,轉載請註明來源!

相關推薦