首頁 » 新聞 » 臨急抱佛腳推介 父親節 Gadgets 禮物精選
標籤:

臨急抱佛腳推介 父親節 Gadgets 禮物精選

 

父親節仲有幾日就到,唔少孝順仔女可能仍然為送禮物而頭痛。平時爸爸較為內斂,禮物選擇又唔多,手錶、領呔、鬚刨一早送過晒,再重複未免太無新意了!但即使唔知買乜都好,要氹得 Daddy 開心,再難揀都要揀啦!其實至新至潮嘅 Gadgets 往往係型格父親至愛,我哋特意挑選幾件各有特色嘅 Gadgets,爸爸見到不單鐘意,更加可以感受到當中心意,睇完之後要快啲行動啦!

手機達人爸爸最強音樂手機 Onkyo GRANBEAT DP-CMX1

好多爸爸已經唔再係以前咁,對智能手機一竅不通,甚至可能比起仔女有更高要求㗎!日本音響巨頭 Onkyo 第一部 DAP x Smartphone 智能手機 GRANBEAT DP-CMX1,無疑係手機達人爸爸「Dream Phone」。GRANBEAT 與眾不同之處,在於係 Android 電話之下,加入 2.5mm 平衡輸出端子,搭配兩枚獨立 ESS SABRE ES9018C2M DAC 解碼晶片、兩枚 SABRE 9601K 放大器。係手機設計上,更用上「三區」獨立線路設計及「SHIELDING」屏蔽設計,令手機都能夠擁有媲美 DAP 嘅音樂體驗,爸爸定會愛不惜手啦。

建議零售價:Onkyo GRANBEAT DP-CMX1 HK$5998


愛音樂爸爸 Pioneer XDP-30R Hi-Res 數碼音樂播放器

音樂播放器 DAP 有時予人感覺很專門,對於喜歡聽音樂但係又未到「發燒」級數嘅爸爸來講, Pioneer XDP-30R Hi-Res 數碼音樂播放器就最適合不過。作為日本品牌 Pioneer 第一部入門型號 DAP,規格完全唔失禮:有齊雙 ESS SABRE DAC ES9018C2M 解碼晶片及雙 SABRE 9601K 放大器,2.5mm 平衡輸出端子亦齊備,而且 Pioneer 更首次加入雙時鐘系統,確保訊號精準,提供最佳音質效果。不同於一般笨重嘅 DAP,Pioneer XDP-30R 外形小巧,啱晒爸爸帶住好音樂去到邊聽到邊。

建議零售價Pioneer XDP-30R Hi-Res 數碼音樂播放器HK$2999


給 Gadgets 愛好者爸爸 thecoopidea CLAY 9000mAh 便攜充電池

有啲爸爸手機、平板、藍牙耳機甚至手提遊戲機等 gadgets 通通有齊,送上一個「迷你size」卻擁有大電量嘅便攜充電池,可以話係實用之選。thecoopidea 最新作品 CLAY 9000mAh 便攜充電池,係只有 96 x 62 x 23mm 的迷你體積之下,卻有達 9000mAh 容量同埋雙 USB 輸出,最大電流達2.4A,令手機充電更快速!thecoopidea 更加係 CLAY 袖珍小巧嘅外型之下,加上防滑 Smooth Rubber Coating 外殼,減少跌壞機會,爸爸出外時用就更安心啦!

建議零售價thecoopidea CLAY 9000mAh 便攜充電池 HK$299

 

大忙人爸爸 Dearear ENDEAR True Wireless 真・無線藍牙耳機

「真・無線藍牙耳機」近期大受歡迎,擺脫了耳機線的束縛,使用時比起有線耳機實在方便得多。如果爸爸係個大忙人,經常要外出工作,不妨以 Dearear ENDEAR True Wireless 耳機作為父親節禮物啦!ENDEAR 耳機每邊僅重 8g,另外附有三款尺碼耳翼,幫助耳機穩固地置於耳殻,長時間戴上都唔會覺得累贅疲勞。配合能夠為耳機即時充電 7 次嘅便攜式充電收納盒,可以滿足爸爸全日使用耳機要求啦!
建議零售價Dearear ENDEAR True Wireless真・無線藍牙耳機 HK$798

原文鏈接:臨急抱佛腳推介 父親節 Gadgets 禮物精選,轉載請註明來源!