首頁 » 新聞 » 時事 » Facebook 又有資料錯誤,收多咗廣告費要退返畀客仔

Facebook 又有資料錯誤,收多咗廣告費要退返畀客仔

 

Facebook 又有資料錯誤,收多咗廣告費要退返畀客仔。

今次事件個相關錯誤只發生喺流動瀏覽器,唔影響 Facebook App 同桌面網頁。當用戶點選有影片嘅迴旋廣告,並嘗試放大條片,呢啲點擊都計埋落去網頁點擊。迴旋廣告容許廣告客戶放多重圖片、影片、文字於一個廣告俾用戶掃動嚟睇。據報受影響客戶過去一年平均被收多 10 美元,截至現時為止仍未清楚有幾多客戶受影響。

Unilever 專家 Keith Weed 指現時 Facebook 廣告嘅數據收集欠缺透明度,數據核對又係佢自己做埋,冇由第三方作認證,咁樣即係自己查自己,就算今次佢自動自覺認衰仔,嗱嗱聲公佈發現錯誤同作出補救,都無法掩飾佢一直黑廂作業嘅作風。其實 Facebook 早前亦曾經承認有計錯用戶平均睇片及睇完全條片嘅統計數字,同時亦報大咗用戶花喺 Instant Articles 嘅平均時間。响嗰件事之後 Facebook 表示會响來年繼續投放資源落數據測量,包括與第三方合作,以圖建立廣告客戶信心。

原文鏈接:Facebook 又有資料錯誤,收多咗廣告費要退返畀客仔,轉載請註明來源!