首頁 » 技術 » 霸王面書

霸王面書

 

有一個關於 100毛 嘅笑話,話說黎明又賣咖啡,但如果唔係有人喺 廣告狂人 Madman Monologue 嘅吹水 Group Share,我係完全唔知道有件噉嘅事,因為响我個 News Feed 上係 完!全!見!唔!到!有朋友 Share 呢條咖啡片。今日試吓喺 Facebook Search 一下,的確係有一啲朋友有 Share 過,而呢啲朋友又係我平時有 Interact 開嘅,而呢啲朋友又各來自唔同圈子,佢地冇 Mutual Friends 嘅,但最終 Facebook 都係冇派呢條片畀我睇喎。你有冇遇過類似情況呢?不過有都好難發現,因為多咗嘢就易發現啫,少咗就唔多覺。

本來都想講好耐,Facebook News Feed 係好多奇怪嘢,差唔多一年前開始個 Most Recent 已經唔係出最新嘅嘢,而係出幾日前甚至幾個星期前嘅嘢。果陣好似都呻過吓,佢廢咗個 Most Recent 迫人用佢個 Top Stories,喺呢件事之前,我一直只睇 Most Recent,因為唔想畀 Facebook 有心噉 Filter 走啲嘢。從前 Most Recent 只係按時間排次序,將所有嘢 List 出嚟,我唔想睇嘅嘢我自己會飛,唔使 Facebook 幫我 Filter,佢嗰個 Top Stories 係 Facebook 刻意噉去俾啲你啱睇嘅嘢你睇,Filter 走你唔感興趣嘅嘢。呢個好弊,我就係知道佢目的唔單止係令你只睇到你有興趣嘅嘢,仲係要令你只睇到佢有興趣俾你睇到嘅嘢。

同樣地,Google、淘寶,乃至全部平台都玩緊記憶用戶喜好,再按喜好推送內容。噉樣嘅世界,只會令用戶眼光愈來愈窄。

如果有喺 Facebook 落過廣告都會知道,佢有 Data 係講有幾多人睇過,而呢啲 Data 係分咗兩個 Group,分別係 Organic 同 Paid,用嚟區分邊啲流量係靠廣告,邊啲流量係經過社交平台自然產生。既然流量係可以收費,作為平台擁有者當然係盡量令流量以 Paid 形式出現先係最好。同一道理其實喺 Google 搜尋都應用咗好耐,你想自己被搜尋得到你最好畀錢。要令人落廣告,最好方法係截斷人地免費渠道。過往好多人經 Facebook 免費渠道進行商業活動賺錢,其實 Facebook 要分一杯羹都無可厚非,只係佢搞 News Feed 搞到影響到用戶就會令人反感。話晒呢批免費用反都係流量源,搞唔好分分鐘流失咗啲活躍用戶,令到用戶平均質素下降,最終長遠影響廣告價值。而更弊嘅問題係上面都有講,佢唔單止令你「只睇到你有興趣嘅嘢」,仲令你「只睇到佢有興趣俾你睇到嘅嘢」,咁係成為階級喉舌嘅先兆。

最近一篇文個 Post 啲 Comments 俾 Facebook 自動隱藏咗

講到霸王 Facebook 嘅惡,噉都只係一半,同時間佢仲 Filter 緊內容添,即係網絡審查。收到消息,原來 Quidev 嘅 Facebook Page 上面有 Post 啲 Comments 俾 Facebook 自動隱藏咗,到底 Facebook 以咩準則去決定咩 Comment 應該 Hide 咩 Comment 就係安全可以直接公開畀人睇得?多得 Facebook 自動隱藏咗啲 Comments,Facebook Page Admin 多咗好多嘢做,要去芒住啲 Posts 有冇 Comments 畀佢 Hide 咗,逐個 Unhide 返佢,真正製造就業機會,因為呢啲嘢係要畀人類做唔可以畀電腦做嘅工作。

有用戶問點解有Comments畀Facebook隨意自動隱藏咗,但只得到噉嘅回應,就係去教佢點樣取消隱藏,而冇跟進點解會發生噉嘅事。

想知點解 Facebook 可以隨意 Hide 咗啲 Comments?佢只係會答你點樣 Unhide 返,咩叫霸道?呢啲就叫霸道!
https://www.facebook.com/business/help/community/question/?id=543994249134742

Automatic filters may hide comments that have been detected as spam, including comments containing words that are blocked from your Page. These comments won't be visible to the public. To show a hidden comment, hover over the comment and click Unhide.

Never got an answer on what happened, but it seems to b fixed. The worst customer support from business where I spend $500 a month in advertising.

有用戶問點解有Comments畀Facebook隨意自動隱藏咗,但只得到噉嘅回應,去教佢點樣取消隱藏,而冇跟進點解會發生噉嘅事。

所以 Quidev 原旨都係要內容全面,乜都有啲,係反 Facebook、Google 之道,係擴闊推廣而唔係收窄大家嘅視野,亦係 孤蘭朵 願意為文於此嘅主要原因。

最後都係咁噫講返句:「你係 Facebook 嘅產品,佢係賣緊你,從來都係。」

 

孤蘭朵 Facebook

原文鏈接:霸王面書,轉載請註明來源!