首頁 » 健康養生 » 污染物真係主要來自本地咩?
標籤:,

污染物真係主要來自本地咩?

 

健康空氣行動話當日污染主因為本地污染

5 月 6 日同 10 日的情況是非常特殊,該兩日的早上和下午,香港的 PM2.5 濃度比深圳廣州高,這是不爭的事實。據綠色力量鄭博士所稱,當時主力吹南風、塔門東涌同時臭氧過 200 微克/立方米、二氧化氮 PM2.5 都一樣咁高,並不是典型珠三角污染物主導的空氣污染物分佈。

但係污染物源頭係點定義?睇釋放定睇監測站檢測?其實大陸係咁多排放就係咁多,又唔停咁放。污染物同其他野都一樣,係由高濃度地方擴散去低濃度地方,只係氣流會令佢更複雜。

關於吹南風,有冇可能先前經過香港嘅污染物因為南風吹返轉頭過黎,同北方擴散所至嘅污染物交雜積咗喺香港?本身北方就一向定時定量不停排放同埋擴散,吹開西北風一直穩定咁將污染物吹過黎,又順住個勢吹走,而唔係積咗喺度,咁啱今次吹一吹返轉頭,氣壓上升,新舊污染物積聚晒喺度,濃度就自然高咗好多。

香港天文台而家有「過去反軌跡路線圖 - 氣團抵港路線圖」,不妨睇吓︰

於 2017 年 5 月 6 日上午 8 時 抵達香港之氣團過去72小時的路線圖

於 2017 年 5 月 10 日上午 8 時 抵達香港之氣團過去72小時的路線圖

 

如果睇氣團幾日前來自邊度,係就係睇到來自南中國海同台灣,但係不約而同喺途中都係臨到香港之前先經過大陸或澳門。按污染物由高濃度擴散去低濃度,兩個氣團其實來港前已經受污染,而兩次氣團都來自西北方,咁啱一吹返南風,污染物就積聚喺度。其實如果再睇其他日子嘅「反軌跡路線圖」不難發現,只要氣團來港前一日入過大陸就必然重污染。反觀如果氣團三日前來自大陸但係中途兩日行經太平洋,因為污染物係由高濃度擴散去低濃度,俾太平洋潔淨咗兩日再來到香港就會清新好多。

氣團三日前來自大陸但係中途兩日行經太平洋,俾太平洋潔淨咗

 

再來,先睇睇 5 月 10 日嘅幾幅天氣圖︰

零晨東北偏北風,福州高氣壓推落黎

上午北風

下午西風

晚上東南風

 

幾個連環圖可以睇到係受福州同埋東面太平洋高氣壓影響,當日正處轉風向之制,大陸南下落黎啲污染物到步之後又冇順勢繼續吹走。

其實同樣情況,睇返 5 月 6 日都係零晨至全個日間都係北風或西風,晚間轉吹東南風,如果睇埋等壓線,零晨至中午,香港係一直加壓,下午開始減壓,氣團流向改變,至晚上轉風向其實都係因為氣壓影響氣流,及後幾日都係吹東南風,直至 5 月 10 日又再一次近似 5 月 6 日嘅情況。

5 月 6 日嘅幾幅天氣圖︰

零晨北風

上午北風

下午西風

晚上東南風

 

香港天文台「過去反軌跡路線圖 - 氣團抵港路線圖」
http://www.hko.gov.hk/wxinfo/trajectory/trajectory_c.shtml

香港天文台「天氣圖」
http://www.hko.gov.hk/wxinfo/currwx/wxchtc.htm

 

孤蘭朵 Facebook

原文鏈接:污染物真係主要來自本地咩?,轉載請註明來源!