首頁 » 政治 » 不拘小節

不拘小節

 

以前啲人不拘小節,著眼於大原則。而家啲人做嘢唔講原則,只著眼於細節。白紙黑字寫到明就做,唔理原意,即使只跟細節去做係唔可以達到原意目的,都唔會就住原旨去執行,而只會得過且過,列咗有幾多點要執行,就只係做咁多。

大家都慣於只著眼於釋義本身,釋義有指明則為有,釋義冇講明就當佢冇。但係釋義作為補充,用作理清意思,其實都唔會抹殺原文既有意義。而原旨整體重點其實係有更多更重要嘅大原則應該要守護,因為釋義本身會放大咗相關嘅要點,令其他意思、其他要義都比咗後去,模糊咗。

好似基本法噉,其實一國兩制、高度自治呢啲大原則本身係好重要,因此開宗明義,將最重要嘅事寫咗出嚟先,後面一條一條係建基於宗旨去定立,有不足再補,直至成個輪廓出晒嚟,係,係每一條都平等,冇話邊條更重要,邊條比其他條高等,如果有,噉淨係睇高等果幾條就得啦,因為低等果啲同高等果啲有抵觸就高等為準,既然全部平等,噉照計就唔應該係一國兩制、高度自治果幾條係重要啲啦,但係定立基本法個原意就係呢啲嘛,基本法個整體,即係全部咁多條加埋,就係維護呢個大原則而去定立,但係而家係唔使理大原則,釋法講咩就係咩,釋法講咗就係,冇講就中央話係就係唔係就唔係,再拗就再釋,釋到你驚為止。

一國兩制之下,香港係三權分立,香港政制發展係根據香港本身情況去逐步發展至普選,點解基本法要噉寫,點解要香港同中國本土政制分開各自發展,係因為兩者本質唔同,發展嘅可能性都唔同,而家中國干預香港政制發展,係抹殺咗香港本身應有嘅可能性,迫使香港要同中國殊途同歸,等於自斷一臂,將香港呢個民主實驗場摧毀,邊有做實驗會人為去干擾實驗進行同實驗結果,實驗本身就係去探索,但係中國就係偏要去打壓實驗,唔俾實驗證明有其他可行嘅可能性。

孤蘭朵 Facebook

原文鏈接:不拘小節,轉載請註明來源!