首頁 » 飲食 » 食譜 » 春天濕重搞到好攰?可以食呢d
標籤:, ,

春天濕重搞到好攰?可以食呢d

 

呢幾日落雨絲濕,仲要好大霧,呢啲天氣相信唔少人都覺得好似唔多夠訓,一起身個人感覺好腫好攰,其實係呢啲天氣裏邊,唔少人體內嘅濕氣都會比較重,系呢個時候就最適合煲啲去濕嘅茶水。

簡易版 紅豆薏米水
薏米有利水滲濕、健脾的作用,而紅豆係非常之養顏嘅,呢兩種食材我哋係街市嘅雜貨鋪同埋超市都會搵到,可以洗乾淨後用嚟焗又或者將佢煲成水,亦都有唔少人會選擇將佢磨粉變成代餐,呢個配搭陳妍希同模特兒隋棠都有飲用架。

 

中階版 雞肉山藥粥
山藥即藥材舖非常常見嘅淮山,可以補中益氣、消渴生津。可以選用新鮮或者切片嘅淮山,切成小塊,雞肉切片或者以小塊,可以先用鹽醃味,放入水、適量嘅米嚟煲粥
高階版 湯水配搭
1.扁豆+淮山
2.淮山+芡實
3.茯苓+薏米+淮山
以上幾款都係常見嘅春季去濕湯水,加入雞肉或者豬肉來煲湯係春天都係非常適合嘅。

原文鏈接:春天濕重搞到好攰?可以食呢d,轉載請註明來源!