首頁 » 飲食 » 食譜 » 點樣整一件成功嘅日式玉子燒
標籤:, ,

點樣整一件成功嘅日式玉子燒

 

雞蛋一向係懶鬼嘅最愛,無論係蒸蛋、水蛋、番茄蛋等等,都係非常之容易整又好好味嘅食物,仲非常之送飯添。近年來就興起左玉子燒,一啲街頭嘅小食店都不乏佢嘅蹤影,其實玉子燒係日本人飯盒裏面經常出現嘅餸菜,非常之容易整!

第一步就係調味,想整出原始風味嘅玉子燒,其實只需要用兩茶匙糖同埋半茶匙鹽撈落蛋漿。(如果你擁有一個玉子燒專用鑊你,每一次只需要準備三隻蛋嘅份量就可以)
第二步攞出平底鑊或者整玉子燒專用嘅方形鑊,以大火預熱,輕輕抹上一層牛油,就可以倒入蛋漿,大概到一半等30秒,呢個時候就要準備一塊濕左水嘅布,而蛋漿嘅底部已經開始變成金黃色,就可以攞起個鑊放上濕布上,喺濕布上慢慢捲起啲蛋,卷完之後將邊位輕輕推高,倒入剩餘蛋漿,重複上面嘅步驟,一個完美嘅玉子燒就咁完成啦!