首頁 » 政治 » 垃圾文

垃圾文

 

垃圾桶口縮

解決垃圾問題,香港嘅做法係會好似大陸堵塞資金流走咁,都係阻、嚇之類。收費係一條界線,開始收費就會嚴厲執法。收費就係行政啫,嚴厲執法係指捉同罰。其實一直已經一步一步做咗好多準備,落咗啲網,防止啲人唔跟從,走法律罅。例如垃圾桶,之前一嘢轉哂細口,啲人就話唔環保啦,舊垃圾桶一嘢變哂垃圾,又有洗潔工話啲人掉唔落就掉旁邊,執法又唔勤,都捉唔到人。唔駛問,唔駛講,直接就做咗,當中涉及行政唔透明,使呢筆錢又有冇受監察呢?而同時垃圾桶數量亦被削減,由 2015 年 21471 個減少至 2016 年 18031 個。類似嘅網會一路落,法又會立,罰則又會定,但係執法就唔會點做住,直至開始收費,一般市民又會忽然發現原來一早落哂網,一閘落黎垃圾係冇其他出路,只有經收費垃圾裝一條出路。咁係成唔成功呢?都算係成功嘅,可以達到預期目的效果,即使「中國人」係慣於「上有政策下有對策」。

你睇而家,其實「民間」幾多環保減廢、回收嘅教育同執行得都唔錯。而政府就教育黎講,只係做廣告宣傳、勸喻,再加上懲罰去阻嚇。咁樣嘅手段唔係以德服人,唔係以理導人,而係高壓手段,調教順民。環保易入口,可以先試行,垃圾徵費嘅推行過程都係公民或國民教育一部份。一樣得,第二樣就掂,第日推其他野就易好多。今日先易,係為第日國教、國安法之類後難開路。

孤蘭朵 Facebook

原文鏈接:垃圾文,轉載請註明來源!