首頁 » 政治 » 多人參選搶票不會分薄票源?錯!

多人參選搶票不會分薄票源?錯!

 

要做特首就要得到 600 張以上嘅選委票,唔係就要展開第二輪再選,咁點解多人參選就會分薄票源?假設得薯片同林鄭兩個人選,在全部 1200 選委票當中,其中一個獲得 601 票就贏,另一方就唔會得到 601 票即係輸,好明顯啦。咁如果多人參選,只要冇人得到 601 以上嘅票,就響首輪當中揪出最高票數兩位展開第二輪重選,咁嘅情況之下,點解會引伸出分薄票源嘅結論?

即係A、B、C、D、E五人當中,A得 600 票,B得 300 票,C得 200 票,D得 100 票,E得 0 票,因為A得唔到過半數票,所以係唔會當選。而就算得A、B、C參選,A得 600 票,B得 599 票,C得 1 票,A都係唔會當選。即係幾多人參選都好,只要最高票者得唔到 601+ 票,就要展開第二輪再選,咁點解會引伸出多人參選就會互相搶票益左林鄭嘅結論呢?

咁所以就反證出多人參選搶票都不會分薄票源?錯!其實搶票分薄票源係建基於幾個前設:

1. 比起林鄭,薯片係 Lesser Evil
2. 林鄭鐵票起碼夠推佢入第二輪
2. 如果薯片去到第二輪,有機會獲得 601+ 票,贏林鄭
3. 相反,其他參選人在首輪贏左薯片進入第二輪,然後就必然會輸俾林鄭
4. 中間游離票見薯片冇機會贏,就 All In 林鄭,令林鄭首輪都穩得 600+ 票

所謂分薄,係減去林鄭鐵票,減去商界之類中間票,簡單講就係 D300+,佢地啲票要點用,所有話會分薄嘅言論都只係要 optimize 去令薯片勝算最大化,以呢個目標黎到去講,任何唔俾薯片嘅票都係分薄票源。佢地漠視其他意見或他人選擇,無視選出選委嘅選民意願,更否定非選委選民嘅公民參與權,最大問題係認定左就唔駛同你地再傾,「你地聽我果套,我地係為大家好」,「我地已經做緊野,你地唔好攪咁多野攪亂檔」,完全反映出,選民選左你出黎你點樣反面不認人,剃人頭者人亦剃其頭,等睇薯片反面不認人啦,今日你唔限制佢,他日佢更理直氣壯大條道理打橫行,因為係你選佢出黎,而一早政綱都講左你都係要選。

佢地話市民心態係林鄭就會延續 689 嘅撕裂,薯片就凝聚全部人嘅。和諧係 100 個人有 100 個意見而互相尊重,而呢種尊重只係話俾你講咋,冇話過會影響到我個決定,即係所謂嘅假咨詢。

孤蘭朵 Facebook

原文鏈接:多人參選搶票不會分薄票源?錯!,轉載請註明來源!