首頁 » 政治 » 【赤裸】零三年果五十萬人已經唔存在

【赤裸】零三年果五十萬人已經唔存在

 

零三年果五十萬人已經唔存在,佢地唔係移左民就係發左或俾人收篇左,上哂岸,而家有啲知覺果啲係餘民的一部分,餘民包括當年其餘二百多萬人及其後代。如果話「我地」輸左呢班人俾「佢地」,我想問「我地」何曾持有過呢班人?本來無一物何處有得輸?如果硬係要用而家同果陣比,只可以講當時仲有野好賣,期間有人賣左啲野,而家冇咩好賣喇,有啲人就底褲都當埋,都唔夠,仲要當埋人地果條。真係越講越赤裸,原來食左禁果,開左眼,見到赤裸裸係會覺得羞恥,所以一路以來人類學會文明,會著衫。家陣連自己僅餘果條底褲都俾某啲人當埋,心理自然難免會唔平衡。不過咁,禁果仲帶俾人類另一啲野,就係死亡同埋繁殖。自從生命有左終結就變得有意義,繁殖係另一種延續,餘民有責任裸著身體去繁殖延續。

By Peter Paul Rubens - www.geheugenvannederland.nl : Home : Info : Pic, Public Domain, https://commons.wikimedia.org/w/index.php?curid=8769226

利申,我唔係五十萬分之一,零三年還在深山洞穴中不問世事。

孤蘭朵 Facebook

原文鏈接:【赤裸】零三年果五十萬人已經唔存在,轉載請註明來源!