首頁 » 心情與故事 » 福岡獨遊記 (day3)

福岡獨遊記 (day3)

 

第三日- 太宰府,柳川,天神

第三日既行程都係前一日先決定下來。所以我係冇做過任何功課就跟住萬能既GOOGLE MAP起行。
天氣報告話一定會好天,所以我去左太宰府。當然去埋個間靚靚 STARBUCKS 啦~ 反正係必經之路。參拜完天滿宮再上埋去[正一位天開稻荷大明神] 條石樓好斜。仲比蚊咬左好幾達。

出發去太宰府既早餐 - 栗子大判燒。

 

我上唔到既特別版列車

 

到達太宰府(可放大)

 

終於黎到朝聖。 yeah! (可放大)

 

朝聖中

 

最愛照片之一

 

上 正一位天開稻荷大明神條長命斜,行返落黎真係不得了。

 

周圍探險一下,以為下面有野睇....

 

點知原來咩都冇,但都影返幅相先。(可放大)

 

然后落返去手信街買下野食,試下特產紅豆年糕米餅(?)實質係咩我真係唔知,但熱辣喇好好味。食埋隔離個抹茶蕨餅,飲一蘭豬骨湯,再食多個牛肉薯餅(嘛嘛地) 就離開太宰府。

 

太宰府名物,好好味

 

抹茶蕨餅

 

免費豬骨湯

 

見到千祈唔好食。

 

本應我諗住反天神但係二日市轉車見到柳川既海報好靚,就決定轉左我個目的地做柳川。(自己一個好自由)由太宰府去柳川要50幾分鍾車程,我去到車站個陣已經3:15。買飛坐船要等到4:10先開船。成程船大若一個鐘,船長會介紹沿途既景點又會唱下歌(日文)。沿途草叢咩都冇,但係船長有介紹本身佢係有咩花。落船之后我去[藩主立花]屋企參觀一下。又因為見到門口張海報影到個後花園好靚,入到去點知...後園既日式大樓裝修感覺好似比人欺騙左感情咁。出返黎5:30左右。我無留意到下一班巴士反車站既時間所以我錯過左一個鐘入面唯一一班既巴士...係冇辦法之下我唯有撰擇的士,佢地一早就係門口 STAND BY 緊....如果唔係天色已暗同鋪頭都閂晒,人都冇幾個的話我都可能會等巴士。答的士返車站大約係 1200YEN,買船飛個陣阿姐一早已經講左咁我都接受到既。返到柳川車站個的士司機同我講35分就有列車到叫我快d。因為仲有5分鐘就到,而且又係一個鐘得一班咁刺激。幸運地我係上到車既~ 諗諗下如果我真係搭巴士既話返到去都9點幾 (OMG)。

柳川站外面好靚

 

船長,同行者們

 

沿途風景

米就係呢一張海報欺騙左我(可放大)

立花博物館門票

 

亂咁行中....所以就錯過坐返去既巴士

返到天神首先去 MCDONALD 買個當日剛剛出既森永 MILKSHAKE。真係甜左d, 好彩我買細杯。我見時間早所以去左食一蘭之後行對面既驚安殿堂同 TSUTAYA 書店。係書店發現介紹福岡既旅遊書,覺得幾好所以就入手左。然後就返酒店。

 

好甜,太甜

 

一蘭總店

 

食左好多肉添

 

一蘭即食面手信

 

激安之殿堂特別版

原文鏈接:福岡獨遊記 (day3),轉載請註明來源!