首頁 » 新聞 » 大陸人就黎連牆都冇得翻

大陸人就黎連牆都冇得翻

 

中國工信部嚟緊會嚴打大陸使用 vpn (虛擬私人網絡),即係話大陸嘅網民再冇得翻牆上 Facebook或其他海外網站 ,完全同外界斷絕來往(網絡上)。可能你會話大陸冇得翻牆關我地咩事,又或者可能會覺得佢地抵死。但係我第一樣野諗到嘅事係「咁啲字幕組點算呀!?」因為大多數嘅動畫日劇等等嘅字幕都係大陸嘅人才做,所以其實我覺得佢哋好厲害,所以比較擔心以後冇字幕睇,因為我仲未學好日文。

互聯網就好似係通向世界各地嘅隨意門,如果你想了解某一個地方嘅資訊你可以去佢哋相關嘅網站搜尋,又或者你可以透過網絡接觸到當地人。而家大陸淨係容許外界嘅人探訪自己,但係就唔容許自己嘅人了解真正嘅世界,就好似一個動物園一樣。最可笑嘅係中國依頭話俾人自己有幾強大發展得有幾掂,個頭又將自己倒退20年。如果有內地企業想同外國合作就變得難上加難。中國製造業格價上升,已經再唔係外國人嘅首選,再加上而家故步自封只會再度扣分。作為一個出口國,竟然會將自己度門閂埋,真係好奇怪,諗極都唔明點解要咁做。最奇怪嘅係,你又唔係禁止你嘅人民出國,你禁止佢哋用 VPN 上網接收其他你唔想佢哋知道嘅資訊又有咩用?佢哋可以出國,可以去外國留學,學識晒政府唔想佢學嘅嘢。難道咁樣唔係多此一舉咩?

原文鏈接:大陸人就黎連牆都冇得翻,轉載請註明來源!