首頁 » 新聞 » 發布 » 每年一次的團年飯

每年一次的團年飯

 

最好食的團年飯

下星期五就係年三十,年三十梗係食團年飯啦。係依一日無論幾忙都好都要準時返屋企食飯。除咗因為依日一定好好餸之外(公司都好好餸),可以同屋企人一齊食就更開心。所以我每年呢個時候一定會好準時咁返屋企。出咗嚟做嘢,尤其係一個人住,夜晚返屋企根本就唔知食啲咩好,最後都係煮個麵食飽左就算。 經歷過先知道原來返到屋企我阿媽煮埋比你食其實係好幸福嘅事。

團年飯有咩揀

原本有啲人係唔食團年飯,因屋企從來都冇依個習慣,又或者選擇出街食唔會係屋企煮。所以呢個時候有好多餐廳,酒樓都會推出團年飯晚餐優惠。甚至乎連酒店喺新年期間都有買一送一自助餐,索性自助餐做團年飯,啱曬愛食自助餐嘅香港人。 雖然出去食可以咁豐富但係亦有人堅持每年都要煮餐好豐盛嘅團年飯比屋企人食。其實係邊度食都好,大家都係想開開心心咁一家人食飯。

都要準時收工先得架

香港人就算係咩嘢行業,都好難可以準時收工。唔好話約朋友出去食飯,同屋企人食飯都已經好難。係呢個咁重要嘅日子,希望各行業嘅老細們寬容啲可以準放人返屋企啦。

原文鏈接:每年一次的團年飯,轉載請註明來源!