首頁 » 寵物 » 冷血修定139b住家繁殖合法化,牠們的命你買不起
標籤:, , ,

冷血修定139b住家繁殖合法化,牠們的命你買不起

 

冷血修定139b住宅繁殖合法化


繁殖動物的惡劣環境

 

尋日政府通過左139b嘅修訂通過左住宅繁殖合法化。再一次將繁殖動物門檻降低,令何人都可以係屋企合法咁樣不停繁殖動物來賺取金錢。香港作為一個國際大都會,竟然會如此冷血將動物嘅生命視為商品。每日喺漁農處,愛護動物協會被人道毁滅嘅動物已經多不勝數,點解唔諗下辦法點樣可以幫到呢啲小動物,點解從要加害佢地?多數動物都係俾人遺棄,俾一啲人渣當玩具玩厭左踢出街。點解動物要咁命苦,已經遇人不淑仲要受到逼害。其實政府可以帶頭支持領養,但係呢個政府並無咁做佢反而去支持人做繁殖場。佢哋究竟知唔知俾人捉返嚟繁殖嘅狗仔貓仔佢哋嘅狀況係有幾悽慘。

有這樣的政府我的心真的很累


1400人動保大遊行反對放寬私人繁殖法例

 

其實香港有好多非牟利團體組織幫助被遺棄嘅小動物,呼籲拒絕購買支持領養。但係有啲咁嘅政府就算有幾多自願組織都冇用啦。由而家開始只會有更加多悲慘嘅個案出現,一直以來啲流浪貓狗佢政府眼中佢哋同過街老鼠冇分別,三日唔埋兩日就會有虐待貓狗嘅新聞,但係好多單最後唔係輕判就不了了之。當年我見到 MiuMiu 個張嘔血相,我喊左好耐。我唔明白點解會有人會虐待啲貓。香港政府從來都冇認真正過任何有關動物嘅權益同問題,無論我地點努力用自己方式發聲佢都唔會聽到,因為香港政府從來冇諗過要聽。

牠們比人類更值得幸福


三隻柴犬

如果你覺得一隻狗只不過係「一隻狗啫」,咁你同意個冷血嘅政府冇分別。任何動物都同人類一樣擁有生命,有思想,有感情,只係溝通語言唔一樣但同我地一樣屬於地球。地球並唔係只屬於人類,但係人類就覺得自己高高在上可以主宰其他動物嘅生命,去搶奪佢哋嘅家園然後了結佢哋嘅生命。人類應該好感恩呢個世界上有動物。如果地球只有人類的話我諗全部人都好暴戾,因為人類實在太恐怖,諗嘅嘢同做嘅嘢係兩回事。如果人類可以學會分享呢個世界根本就唔會有戰爭,如果人類可以好似動物咁率直簡單,世界和平一啲都唔難。如果屋企有小動物嘅一定要好好珍惜佢哋,因為除咗父母可以無私咁愛你地之外,就只有你哋嘅小動物用佢哋嘅一生不求回報咁去愛你一個。人類真係好幸福,只係好多人都未發覺。我衷心希望每一隻小動物都可以得到幸福。

原文鏈接:冷血修定139b住家繁殖合法化,牠們的命你買不起,轉載請註明來源!