首頁 » 新聞 » 佛寺,溫泉,廁所板通通都要換

佛寺,溫泉,廁所板通通都要換

 


日本業界人士一起公布轉換新圖標

2020年東京奧運仲有三年就到啦,去過日本都知道日本嘅廁所好多時候都係有智能廁所板。但係並唔係我哋每一個人都知道嗰啲係咩嘢功能,唔識睇日文更加唔會亂咁撳啲制。為加深未來有更加多遊客去廁所時對日本偉大發明智能廁所板功能有所認識,業界決定將原來的標記符號更變成更加容易令人明白嘅圖案。

舊的廁所板圖標
 

新廁所板圖標 (按圖放大)

原來唔單止廁所板要更新圖標指示,日本溫泉同佛寺嘅圖標全部都要一一更換。點解佛寺嘅圖標都要換?就係因有啲孤陋寡聞嘅洋人見到「卍」字(讀萬)就會諗起德國納粹黨 ,從而感到不安。但事實上係呢個卍字圖標比納粹黨早幾百年已經用緊。不過為咗唔好再令遊客誤解所以就將卍字圖標變成一個三重塔嘅圖案。


佛寺原有的圖標轉為三層塔圖案標記


原有溫泉標記加入三個人

 

 

原文鏈接:佛寺,溫泉,廁所板通通都要換,轉載請註明來源!