首頁 » 新聞 » LEGO 究竟有咩好炒?街景系列 10 週年回顧!

LEGO 究竟有咩好炒?街景系列 10 週年回顧!

 

樂高積木LEGO嘅魅力瘋魔3-80歲嘅大小朋友,今年適逢最著名嘅街景系列誕生10 週年,樂高將於2017 年1 月4 日至2 月6 日期間在旺角朗豪坊LEGOCertified Store 舉行展覽,展出過往10 年來所推出全部12 款街景,更推出最大型嘅10255 集會廣場 (Assembly Square) 作為10週年紀念版,集結左多種小型店鋪而成嘅“集合式商場”。 包括蛋糕店、花店、cafe、牙科診所等等,每棟建築物都可以透過特殊配件連接,拼出一個街景全貌,亦有向過往系列產品致敬嘅細節位。絕對滿足到鐘意挑戰各種類型玩法嘅大細路!

講到街景系列,當然唔少得 2007 年發售嘅Cafe Corner 10182,同時亦係價錢上升的最快嘅一款,無懈可擊嘅招牌、外牆,都非常吸引,可惜當年為系列嘅開初作品所以無內裝。呢款LEGO由上市價 £89.99飆升到現價 £2,000以上,升幅大大話話有 2,200%。

炒到天價嘅仲有同年發售嘅 10190(市場街景),價錢升幅有 10 幾倍!而其餘嘅10185(綠色雜貨店)、10218(寵物店)同10232(大劇院)都非常受人歡迎!而LEGO嘅人仔亦係非常值得收藏嘅產品,有人會專門收藏LEGO人物,比較著名嘅系列係星戰系列!

樂高積木年增值達到 12%,特別限量款或季節性發售產品,增值通常都好可觀,大家又有邊款心水收藏?

(圖片來自網絡)

原文鏈接:LEGO 究竟有咩好炒?街景系列 10 週年回顧!,轉載請註明來源!