首頁 » 旅遊 » [日本]燒牛舌原來可以咁正!
標籤:,

[日本]燒牛舌原來可以咁正!

 

利久係日本出名食牛舌既老店,近呢兩次去日本我都有食到。
最開心既係佢係日本有好多間分店,香港人最鍾意既東京同大阪當然有份。
連近年開始多港人去既福岡都有。所以想食到佢絕對唔難。


千祈唔好睇少呢六塊牛舌,食晒佢真係會好飽。

要食一定要食呢度既特撰厚切燒牛舌,佢肥而不膩仲燒得鬼死咁香再加埋D日本米真係冇得輸。
如果女士唔食得多的話佢有得俾你揀要幾多塊所以唔使驚食唔晒,當然件數愈多价錢會越貴。
如果兩個人的話建議點八塊既套餐再單點一個白飯,
一黎可以慳返少少錢二黎又可以試埋其他牛舌小食。


紅酒薈牛舌蛋包飯, 呢個冇驚喜。
但唔係難食既,只係冇燒牛舌咁好食。
如果鍾意牛舌個種爽脆口感的話可以唔使試。


免治牛舌棒+芝士(可撰冇芝士)
呢個都唔錯,最岩小朋友食。

原文鏈接:[日本]燒牛舌原來可以咁正!,轉載請註明來源!